Enlace permanente Enviado por Nonato Rufino C... (no verificado) el Sáb, 09/22/2018 - 03:41
Pacha Mamanchikqa mamanchikpunim, pay mana kaptinqa ñuqanchikpas manam kasunchikmanchu. Pacha Mamanchikqa kawsanmi, chayraykutaqmi ñuqanchikpas kawsallanchiktaq. Pacha Mamanchik wañuptinqa ñuqanchikpas wañupullasuntaqmi. Pacha Mamanchikmi kawsananchikpaqqa tukuy imata churapuwanchik, tukuy imata ruruchipuwanchik, Pacha Mamaqa ukhunpi tiyachiwanchik; mayhinachus huk mamaqa uña wawachanta ñuñunwan uywan kaqllataqmi Pacha Mamanchikqa ukhunwan uywawanchik, ukhunwan kawsayta quwanchik; chaymi ununtapas, wayrantapas quwanchik, chaymi Intinpa ruphaynintapas, tutap chiriynintapas quwanchik; chayraykutaqmi ukhunpi yurakunatapas, uywakunatapas mirachipuwanchik. Chaykunata pallaspataqmi ñuqanchikqa kawsanchik. Papa allasqanchiktapas qasachispa ch'uñuyta atinchik, Intiwantaq ruphayninwantaq ch'uñuta ch'akichispa muchuy pachapaq taqiyta atinchik. Huk ñuñuq wawa mamanpa ñuñunta kiruchanwan kanirquptinqa, mamanqa rinrichanmantapas k'ichipayan, mana chayqa rimapayallanpas, chayman rikch'akuqtam Pacha Mamanchikqa ukhunta sinchita k'iriptinchik ima hasut'illatapas apachimuwanchik; ichaqa wakinqa may maypi sinchitañataq Pacha Mamanchiktaqa waqllichipunchik, chayraykutaqmi sinchitapas paran, sinchitapas ch'akirin, may maypiqa pacha kuyuypas, sinchi wayrapas, sinchi qasapas hamullantaq, Chaykunaqa hamun ñuqanchikpa hatun huchanchikraykum. Chaypachaqa amataq ari Pacha Mamanchiktaqa phiñachisunchikchu. Pacha Mamanchiktaqa uywananchikmi ñuqanchikpas, qhawarinanhik, munakunanvhik, huk simipiqa Pacha Mamanchikta much'akunanchik, manam qhillichananchikchu, manam sinchitaqa tupapayananchikchu, paqtataq chay qhipaman waqachkasunchikman. Runaqa uyarikuq kananchik, ñawiyuqmi kanchik tukuy ima qhawarinanchikpaqpas. Pacha Mamanchikqa kawsanmi, chayqa wawanchikkunapaqpas, chupullunchikkunapaqpas waqaychasuntaq ari Pacha Mamanchiktaqa; amataq ñuqallanchikqa Pacha Mamanchikpa kawsayninkunataqa tukurqusunchikchu. Pacha Mamanchiktaqa munakusunchik, pay tukukuptinqa manam waktaqa tarisunchikñachu. ¡Paqtataq!
Pacha Mamanchikqa
Pacha Mamanchikqa mamanchikpunim, pay mana kaptinqa ñuqanchikpas manam kasunchikmanchu. Pacha Mamanchikqa kawsanmi, chayraykutaqmi ñuqanchikpas kawsallanchiktaq. Pacha Mamanchik wañuptinqa ñuqanchikpas wañupullasuntaqmi. Pacha Mamanchikmi kawsananchikpaqqa tukuy imata churapuwanchik, tukuy imata ruruchipuwanchik, Pacha Mamaqa ukhunpi tiyachiwanchik; mayhinachus huk mamaqa uña wawachanta ñuñunwan uywan kaqllataqmi Pacha Mamanchikqa ukhunwan uywawanchik, ukhunwan kawsayta quwanchik; chaymi ununtapas, wayrantapas quwanchik, chaymi Intinpa ruphaynintapas, tutap chiriynintapas quwanchik; chayraykutaqmi ukhunpi yurakunatapas, uywakunatapas mirachipuwanchik. Chaykunata pallaspataqmi ñuqanchikqa kawsanchik. Papa allasqanchiktapas qasachispa ch'uñuyta atinchik, Intiwantaq ruphayninwantaq ch'uñuta ch'akichispa muchuy pachapaq taqiyta atinchik. Huk ñuñuq wawa mamanpa ñuñunta kiruchanwan kanirquptinqa, mamanqa rinrichanmantapas k'ichipayan, mana chayqa rimapayallanpas, chayman rikch'akuqtam Pacha Mamanchikqa ukhunta sinchita k'iriptinchik ima hasut'illatapas apachimuwanchik; ichaqa wakinqa may maypi sinchitañataq Pacha Mamanchiktaqa waqllichipunchik, chayraykutaqmi sinchitapas paran, sinchitapas ch'akirin, may maypiqa pacha kuyuypas, sinchi wayrapas, sinchi qasapas hamullantaq, Chaykunaqa hamun ñuqanchikpa hatun huchanchikraykum. Chaypachaqa amataq ari Pacha Mamanchiktaqa phiñachisunchikchu. Pacha Mamanchiktaqa uywananchikmi ñuqanchikpas, qhawarinanhik, munakunanvhik, huk simipiqa Pacha Mamanchikta much'akunanchik, manam qhillichananchikchu, manam sinchitaqa tupapayananchikchu, paqtataq chay qhipaman waqachkasunchikman. Runaqa uyarikuq kananchik, ñawiyuqmi kanchik tukuy ima qhawarinanchikpaqpas. Pacha Mamanchikqa kawsanmi, chayqa wawanchikkunapaqpas, chupullunchikkunapaqpas waqaychasuntaq ari Pacha Mamanchiktaqa; amataq ñuqallanchikqa Pacha Mamanchikpa kawsayninkunataqa tukurqusunchikchu. Pacha Mamanchiktaqa munakusunchik, pay tukukuptinqa manam waktaqa tarisunchikñachu. ¡Paqtataq!