Enlace permanente Enviado por Rufino Chuquima... (no verificado) el Mar, 03/07/2017 - 17:51
Arí taytaykuna, mamaykuna, runaqa mana uyarikuqmi kanchik. Mana uyarikuq kaspaqa ñuqanchik kikinchikmi wañuyninchikta maskachkanchik. Hillu wawakunahina, "chaytaqa ama mikhuychu" nichkasqa, paykunaqa ima mana allinkunatapas mikhuchkallanku; chawan ninakuqtam, ñuqanchikqa yachanchik imachus kay Pacha Mamanchikta waqllichichkan chaykunata, ichaqa hillu wawakunahina, aswan chay mana allinkunata rurachkanchikpunim. ¿Ruqt'uchu kanchik, mana uyariqchu kanchik, imataqri? Ñawpaqta Rimaq llaqtapi, chaymantataq Paris llaqtapi runakunaqa huñukunku, chaykunapitaqmi kay Pacha Mamanchik unqusqa tarikusqankumanta rimanakunku. Chayqa rimaylla, qhipamanqa chaypi rimanakusqakuna mana hunt'akunchu. Chaymi kachkan hatun huchaqa. Runaqa ima rimanakusqanchiktapas hunt'ananchikpuni ari, mana chayqa ¿imapaqtaq hatun rimanakuykunata ruranchik? Kay qhipa watakunaqa yanqam ñawinchaytapas, qillqaytapas yachanchik; ichaqa manataqmi Pacha Mamanchik munakuytaqa yachanchikchu; chayraykutaqmi paytaqa sinchita qhillichanchik, imamantapas qullqillata tariyta munachkanchik; quri qhuyakunata maskaspa, qullqi qhuyakunata taqmaspa Pacha Mamanchiktaqa phiñachinchik, chayraykutaqmi mana paranan killakunapi parapun, mana ch'akirinan killakunapi ch'akiripun, ¿manachu chaykunata hatun llaqtakunapi rikuchkanchik? Chayri, ¿maytaq ancha yachasqanchikpas, doctor kasqanchikpas? Wawakunapas ¿caykunatachu pruebas PISApi yachamuchkanku? ¿Imapaqtaq chaykunari allin? Kanmi huk aranway, chaymi Apanquraykunamanta riman, chayman rikch'akuqtachus ñuqanchjikpas, kamachikuqninchikkunapas rurachkanchik? ¿Imaraykutaq wayrapas ñanninpi tukuy ima tarisqanta waqllichin? Chayqa huchanchik ari, ¿imapaqtaq sach'akunatapas yanqataraq kuchurparinchik? Manam chayllachu kanqa, imataraq ari mana rikusunchikchu. Chaypachaqa Parispi rimanakusqakunata ari hunt'ananchik; chaykunataqa aswan hatun Mama Llaqtakunaraqmi chay rimanakusqakunataqa hunt'ananku, lastiku ruraykuna manapuni kananñachu, carrokunapas pisita phawaykachanan, unutaqa kaypipas maypipas hark'ananchikpuni, sach'akunatapas, mallikunatapas tukuy hawapi uywananchik; kaqtaq chakrakunata ruraspaqa mana huk niraq muhullatachu tarpunanchik, aswanpas niraq niraq mikhuykunata. Kaqtaq, akana wasikunamanta lluqsiq qhilli unukunataqa manam mayukunamanpas, quchakunamanpas, Mama Quchamanpas kachaykunanchikchu; chayri, ¿maypitaq yachayninchikpas, umanchikpas, sunqunchikpas? Chaykunatachu universidadkunapipas, doctoradokunapipas yachamunchik? Amataq ari uman q'ipiqa kasunchikchu. Manachu yachanki, inkakunari ¿mayhinatataq kawsarqanku? Runa masiykuna, Pacha Mamanchikwan uywanakuytaqa yachasunchik ari; amataq paywanqa chiqninakusunchikchu; mana uyarikuq kaspaqa aswan utqaymi wañuyninchikta tarisunchik. Kay Perú Mama llaqtapipas, huk Mama llaqtakunapipas, ministeriokunaqa wak hawa llaqtakunaman lluqsinan.
Arí taytaykuna, mamaykuna,
Arí taytaykuna, mamaykuna, runaqa mana uyarikuqmi kanchik. Mana uyarikuq kaspaqa ñuqanchik kikinchikmi wañuyninchikta maskachkanchik. Hillu wawakunahina, "chaytaqa ama mikhuychu" nichkasqa, paykunaqa ima mana allinkunatapas mikhuchkallanku; chawan ninakuqtam, ñuqanchikqa yachanchik imachus kay Pacha Mamanchikta waqllichichkan chaykunata, ichaqa hillu wawakunahina, aswan chay mana allinkunata rurachkanchikpunim. ¿Ruqt'uchu kanchik, mana uyariqchu kanchik, imataqri? Ñawpaqta Rimaq llaqtapi, chaymantataq Paris llaqtapi runakunaqa huñukunku, chaykunapitaqmi kay Pacha Mamanchik unqusqa tarikusqankumanta rimanakunku. Chayqa rimaylla, qhipamanqa chaypi rimanakusqakuna mana hunt'akunchu. Chaymi kachkan hatun huchaqa. Runaqa ima rimanakusqanchiktapas hunt'ananchikpuni ari, mana chayqa ¿imapaqtaq hatun rimanakuykunata ruranchik? Kay qhipa watakunaqa yanqam ñawinchaytapas, qillqaytapas yachanchik; ichaqa manataqmi Pacha Mamanchik munakuytaqa yachanchikchu; chayraykutaqmi paytaqa sinchita qhillichanchik, imamantapas qullqillata tariyta munachkanchik; quri qhuyakunata maskaspa, qullqi qhuyakunata taqmaspa Pacha Mamanchiktaqa phiñachinchik, chayraykutaqmi mana paranan killakunapi parapun, mana ch'akirinan killakunapi ch'akiripun, ¿manachu chaykunata hatun llaqtakunapi rikuchkanchik? Chayri, ¿maytaq ancha yachasqanchikpas, doctor kasqanchikpas? Wawakunapas ¿caykunatachu pruebas PISApi yachamuchkanku? ¿Imapaqtaq chaykunari allin? Kanmi huk aranway, chaymi Apanquraykunamanta riman, chayman rikch'akuqtachus ñuqanchjikpas, kamachikuqninchikkunapas rurachkanchik? ¿Imaraykutaq wayrapas ñanninpi tukuy ima tarisqanta waqllichin? Chayqa huchanchik ari, ¿imapaqtaq sach'akunatapas yanqataraq kuchurparinchik? Manam chayllachu kanqa, imataraq ari mana rikusunchikchu. Chaypachaqa Parispi rimanakusqakunata ari hunt'ananchik; chaykunataqa aswan hatun Mama Llaqtakunaraqmi chay rimanakusqakunataqa hunt'ananku, lastiku ruraykuna manapuni kananñachu, carrokunapas pisita phawaykachanan, unutaqa kaypipas maypipas hark'ananchikpuni, sach'akunatapas, mallikunatapas tukuy hawapi uywananchik; kaqtaq chakrakunata ruraspaqa mana huk niraq muhullatachu tarpunanchik, aswanpas niraq niraq mikhuykunata. Kaqtaq, akana wasikunamanta lluqsiq qhilli unukunataqa manam mayukunamanpas, quchakunamanpas, Mama Quchamanpas kachaykunanchikchu; chayri, ¿maypitaq yachayninchikpas, umanchikpas, sunqunchikpas? Chaykunatachu universidadkunapipas, doctoradokunapipas yachamunchik? Amataq ari uman q'ipiqa kasunchikchu. Manachu yachanki, inkakunari ¿mayhinatataq kawsarqanku? Runa masiykuna, Pacha Mamanchikwan uywanakuytaqa yachasunchik ari; amataq paywanqa chiqninakusunchikchu; mana uyarikuq kaspaqa aswan utqaymi wañuyninchikta tarisunchik. Kay Perú Mama llaqtapipas, huk Mama llaqtakunapipas, ministeriokunaqa wak hawa llaqtakunaman lluqsinan.