Kuka mamaqa chiqanpipunim runapaq allin, allin. Akullinapaqmi allin, sayk'uy atinapaqmi allin, yarqay atinapaqmi allin, ch'akiy atinapaqmi allin, ima chinkachisqa watunapaqpas ancha allinpunim. Niraq niraq unquykuna hampinapaqmi allin: wiksa nanaypay, sunqu nanaypaq, uma nanaypaq, ukhunchik nanaypaq, llakikuyninchik thanichinapaq, wayrapaq; Pacha Mamanchikpaqpas. Kukaqa manam unquchikuqchu, kuka raphiqa manam wañuchikuqchu; icha, ¿pitachu wañurquchirqanpas? Mana ¿riki? Wakin mana allin runakunaqa kuka raphimantas cocaina hak'uta ruranku; chaytaqsi millay miyu chay hak'u apaykachaqkunapaq, chayri, llapan mama llaqtakunapipas, ¿manachu kan runa qhawaqkuna? ¿Manachu kan ñankunapi controlkuna? ¿Manachu chaykunapiri ima yapanatapas hark'ayta atinku? Kukaqa manam unquchikuqchu. Yachananchikpaq, kanmi machanakuna, kanmi cerveza, wak tragokunapas, chaykunam unquchikuqpas, wañuchikuqpas, chay machanakunatari, ¿imaraykutaq mana chinkachinkuchu? ¿Imaraykutaq mana qichunkuchu? Chayrayku, kukataqa akullinanchikpuni, mikhunanchik, hampikunanchik, uywananchik, kawsachinanchik. Kukaqa manam wañuchikuqchu, aswanpas mamanchikmi, aswanpas allintam uywawanchik; tullunchikpas ch'ilay ch'ilam puqun, kaqtaq kirunchikpas, icha, ¿ñawpa runakunap kirunta manachu hunt'asqataraq aya tullukunapi rikukun? Inkakunapas, ñawpaq runakunapas kukata apaykachasspam Machu Pikchutapas, Saqsay Wamantapas rurarqanku. ¿Pitaq cocaina ruraytari paqarichirqan? ¿Pitaq yachachirqan? Chayri, ¿ñuqanchikchu huchayuq kanchik? Mana ¿riki? Chayrayku, kukaqa coca colahina qhatukunan; munaqqa rantikuchun, mana munaqqa amataq; ¿chaychus allin kanman? Icha, ¿qam ima ninkitaqchus?
Kuka mamaqa chiqanpipunim runapaq allin, allin. Akullinapaqmi allin, sayk'uy atinapaqmi allin, yarqay atinapaqmi allin, ch'akiy atinapaqmi allin, ima chinkachisqa watunapaqpas ancha allinpunim. Niraq niraq unquykuna hampinapaqmi allin: wiksa nanaypay, sunqu nanaypaq, uma nanaypaq, ukhunchik nanaypaq, llakikuyninchik thanichinapaq, wayrapaq; Pacha Mamanchikpaqpas. Kukaqa manam unquchikuqchu, kuka raphiqa manam wañuchikuqchu; icha, ¿pitachu wañurquchirqanpas? Mana ¿riki?
Wakin mana allin runakunaqa kuka raphimantas cocaina hak'uta ruranku; chaytaqsi millay miyu chay hak'u apaykachaqkunapaq, chayri, llapan mama llaqtakunapipas, ¿manachu kan runa qhawaqkuna? ¿Manachu kan ñankunapi controlkuna? ¿Manachu chaykunapiri ima yapanatapas hark'ayta atinku? Kukaqa manam unquchikuqchu.
Yachananchikpaq, kanmi machanakuna, kanmi cerveza, wak tragokunapas, chaykunam unquchikuqpas, wañuchikuqpas, chay machanakunatari, ¿imaraykutaq mana chinkachinkuchu? ¿Imaraykutaq mana qichunkuchu? Chayrayku, kukataqa akullinanchikpuni, mikhunanchik, hampikunanchik, uywananchik, kawsachinanchik. Kukaqa manam wañuchikuqchu, aswanpas mamanchikmi, aswanpas allintam uywawanchik; tullunchikpas ch'ilay ch'ilam puqun, kaqtaq kirunchikpas, icha, ¿ñawpa runakunap kirunta manachu hunt'asqataraq aya tullukunapi rikukun?
Inkakunapas, ñawpaq runakunapas kukata apaykachasspam Machu Pikchutapas, Saqsay Wamantapas rurarqanku. ¿Pitaq cocaina ruraytari paqarichirqan? ¿Pitaq yachachirqan? Chayri, ¿ñuqanchikchu huchayuq kanchik? Mana ¿riki? Chayrayku, kukaqa coca colahina qhatukunan; munaqqa rantikuchun, mana munaqqa amataq; ¿chaychus allin kanman? Icha, ¿qam ima ninkitaqchus?