Servindi, 15 de junio, 2010.- Continuamos con nuestro resumen semanal de noticias en lengua Ashaninka, gracias a un acuerdo con la Comunidad de Comunicadores Indígenas de la Selva Central (COCOI), base de la Red de Comunicadores Indígenas del Perú (REDCIP). Se autoriza la libre difusión y reproducción.
- Resumen noticias ashaninka 12 de junio (archivo mp3, 8 minutos, 10 segundos. Descargar con un clic en el enlace y elegir guardar como).
Resumen semanal de noticias (al 12 de junio, 2010)
Nacional
Aparo Osarintsi Bagua. Jibatinkari atiri Alberto Pizango iñanatake kametsa, ikajemajeitakeri maaroni atiripee timatsiri nampitsiki Peruki jero pashinipeeki nampitsi, ontimatie antikaakobentero kipatsi jero aisati antajeitero kemabakaantsi, aisati ayotakobentero katsini maaroni añakayeeri.
Arime iñaanatakeri aranki 5ki Junio anta Curbaki del diablo, yantantaitarori apatotaantsi kenkeshireakotirori aparo osarintsi abisaintsiriranki chapinki, ikamantakari 34 atiri jeri policia.
Yobetsatakari aisati iriri Soraro, Mayor Felipe Bazan, peainchari aranki. Ikantakeri ari iramenakobentakero kametsa kenkitarentsi.
Felipe Bazan Caballero iriri soraro peainchari ikantake te onkante yantakeri General Luis Munguruza, tempa iri ikantakoyeebetakari iri obakeriri atiripe, meeka yobajiri iramenakobentero jokakobentitriri soraropee.
Ikantake aisati ontimantyari asabikajeitaje kametsa ontimatie irakaanteteri obakantakeri osheki atiri, karataintsi 34 kamaintsiri 5ki kashiri Junio abisanaintsiriranki osarintsi. Baguaki
IROPERORI KENKITSARENTSI Yorame Congresista Guido Lombardi ikantake orame otimantakari antabakaantsi Baguaki otimake kenkeshireantsi kobaintsiri oimintsarobajeiteri atiripee, ikantake aisati iroya kantakaantakerori iyenkeshireanepe pinkatsari, ikantetiri politica del gobierno.
Yokame Lombardi, iritake jibatakantaitirori comision investigadora amenakobenterone abisaintsiri Baguaki, ikantakaajeitakeri Congresosoki.
ANIJEITAANTSI IRIMAKI. Aranki abisaintsiri 8 yoka kashiri Junio ikarati tres mil atiri anijeitaitatsi anta Iriimashiki yamitakojeitaitiro aapatiabakaantsipe yamenakobentajeitiri atiripe anakenerori sankenarentsi Organizaciónki de Estados Americanos (OEA)
Okame antaitachari amenakobentiro te ankoyeroji yantakeri pinkatsari Alan Garcia, iyotakoyetakeri maaroni ikantabeetake, Irotsitite amenakobentirori pankirentsipe ikantetiri perro del hortelano
Orame koaperoitachari oshintsite incharinkero sankenarentsi jitachari Ley de consulta irashi atiripee timasanotitachari matakotainchari Congresoki 19ki kashiri Mayo jorame pinkatsari te inkoye incharinkaperotero.
ICHIGKAT MUJA.- Orame apatotaantsi amenakobentirori ompempa kabeantaantsi timatsiri Naciones Unidaski, itiankakeneri sankenrentsi pinkatsari Peruano ikantiri jaoka okantakotari inapitsite atiripe Awajun jeri Wampis sabikatsiri Cordilleraki del condor.
Aisati ikantakeri pinkatsari ontimatie inkamante jaoka okarati mataincha ikenkitsatajeitakeriri Awajun jeri wampis, amenakobentantyari Parque Nacional Inchigkat Muja
GUEPPI. Orame apatoitaantsipe yamenakobentajeitiri nampitsisatipe jitachari Kichwa jeri Secoya sabikatsiri Putumayoki ikobaje intsipaiji iyotakotya Gueppi kempe parque Nacional, jero aisati ontinayempa pashinipee reserva kemperi: Huimeki jero Airo Pai.
Jibatinkaripe arejeitainchari Iquitoski ikamantapake okame amenakobentachari opoñeita perani, abisake 13 osarintsi tekera omatya irotaketya inkatajeitantari maroni jibaripee oka te onkante.
Internacional
España. Okame 12 irosati 15ki kashiri Julio ari antempari curso jirachari “Desarrollo y diversidad cultural conceptos y medidas del Sumak Kawsay” (asaike kametsa )
Okame curso iro jibatakaantirori Instituto Universitario de Desarrollo Social y Paz de la Universidad de Alicante jero Universidad de Verano Rafael Altamira.
Colombia. Obameetsatachari sankenarentsi jitachari“Cien Años De Soledad” yantiri iyotinkari jitachari Gabriel Garcia Marquez ontimatie osankenatya iñaneki timasanotitachari kempeteri jitachari Wayunaiki.
Okamee omatantyari ontimatie iramekokotero tsonkaperoyetakero sankenarentsi ashitarori inampitsite, oka nampitsi jitachari wayuu, inkarabentakero apite Universidad, kemperi Zulia jero Guajira
Ecuador: JAMES ANAYA ñanatinkarisanotatsiri ONUki ikantake ontimatie inkemabakaajeitya kametsa, maaroni antayetirori política jero apatiabakaantsiyetatsiri yamenakoobentajeitiri atiripee timasanotitachari nampitsipeeki, ontimantyaari amenakobentanakea kameetsa amitakotabakanakea ontimantyari ontime irooperotaantsi iramenakobentantyari atiripee.
Raul Llaquiche, abogadote Nampitsi jitachari La Cocha okame abisanaintsiri kitaiteri yojokaitiniro Corte Constitucional sankenarentsi amenakobentantyari nampitsika La Cocha, teempa yantanayeetatiro.
Okame yantanatimenteetirori, irointi yoyeetakeri Marco Olivo anta nampitsiki La Cocha abisanaintsirika kitaiteri, ikarati apapakoro ikantakoyeetakeri, maba jibatakaantirori inampitsite yayetake.
Brasil. Obetsikatia apite antyaroite tikaataantsi anta inchatomashiteki Brasil, aimajeitatiyarime onkantabeetiteri inampitsipetpee atiri kempeteeri karikera nijantacha.
Okamee tikaataantsi antachane nijateniki jitachari madera, ari antyaari San Antonioki jero Jirau, ari onkantabetitanakeri iipatsite atiri kempeteri karikera nijantacha te iriyotakotyaji aisati inkantabetiteetatiyeri inampi.
Obakera ijajeitaiti FUNAI, aisati amenakobentajeitiriri atiripe pinkatsariki Brasil, ikantajeitake tyaryo choora atiri karikera nijaantacha sabikayetatsiri aitake ikenabeetiri anta onkantabetanakeronta tikaataantsi.
Chile. Atiripee jitachari Aymara te inkoyero jamenakobentiri pinkatsari Sebastián Piñeira, kempetahari iramenakotero minapee anta parqueki Nacional Lauca, teempa irointi onabeta iyoshibenteetakeri eiro yantanayeetajirotsi.
Okamee iyoshibentajeitakeri eiro yantanayeetajirotsi ojita Parque Nacional de las Vicuñas jero Monumento Salar de Surire, irointi inchatomashi itimantari maaroni timayetatsiri amitakotirori kametsaityaantsi yero aisati eiro ipeantayetatsi paitapeerika.
Bolivia. Rafael Quiepe amenakobentirori, Comision de Industrias extractivas, yamenakaantiri Consejo Nacional de Ayllus jeri Markas, timatsiri Coyasuyuki ikantake, ontimatieya shintsibentaantsi Agostoki teempa te onkameetsateji yantayetakeri pinkatsari, kempetachari ikoy irishinetero antya proyecto amenerine potsitajaripe, te irisampitabakeri timayetatsiri nampitsipeki
Chile. Ompoñanakea, 13ki irosati 14ki kashiri Julio amenakobentya Primer Congreso amenakobenterone iñanepee atiriyetatsiri, ari antyari antaUniversidadki Santiago de Chile.
Okamee amenakobentachane iro intakaantaro “Red amenakobentirori tikakobentaantsi obametaantsipeeki jero ñaantsipee inampitsitepeeki atiripee chilesati” jero pashinipe aapatiabakaantsi yamenakobentajeitiri atiripee.
Añadir nuevo comentario