Enlace permanente Enviado por Nonato Rufino C... (no verificado) el Lun, 04/15/2019 - 22:47
Ñuqanchik runakunari, ¿mana yuyayniyuqchu kanchik kamachinakuy mana atinanchikpaq?
Taytaykuna, mamaykuna llapantiykichikpas napaykusqam kankichik, ¿allinllachu? ¿Quwipas, llamapas hunt'asqachu?
Pacha Mamanchikqa llapan wawankunanmanmi kay allpataqa quwanchik. Ñuqanchikqa chay allpakunapi tiyaqkuna, may ñawpaqmantaraqmi Pacha Mamawan kawsaytaqa yachanchik; chayraykutaqmi paytaqa ancha yuyaywanmi qhawarikuq kanchik; kunanñataqmi huk kallpasapa runakunalla allpanchikkunataqa hukkunaman qhaturqapuchkan, ñuqanchiktaqmi mana imayuq qhipapuchkanchik; allpanchikkunamanta hark'akuptinchiktaq armawan t'uqyaykuchiwanchik; huk hatun huchayuqkunatataq mana imanankupaschu. Chaykunaqa manam allinchu. Allpanchikkunataqa ñuqanchikpuni qhawarikunanchik; chay allpakunaqa ñuqanchikpaqtam, manam kamachikuqkunap kaqninchu; paykunapas ñuqanchik llaqta runakunap allpanta kaqnicharqukuspam qhapaq qhapaq tarikunku; chayhina kawsayqa manam allinchu; chaykunata ruraspaqa kay Pacha Mamatam waqllichichkanku, chayraykutaqmi parananpiqa ch'akiripun, ch'akirinanpitaq parachkan; chaykunaqa rikhurimuy pantasqata imatapas rurasqanchikmntam. Ñuqaykuqa manam waq'achu kayku, yuyayniyuq runam kayku, chayraykutaq kaqniykutaqa ñuqaykupuni qhawarinayku, kay allpakunaqa manataqmi qhatusqaqa kanmanchu, chay kamachikuqkunari, ¿imaraykutaq mana tayta mamankup allpanta qhatukamunkuchu? Ñuqanchikqa uyarina kananchik, mana uyarisqa kaspaqa t'aqakapusunchikcha riki, ¿chaytachu kay Estado suyachkan? ¿Chaytachu munan? Musuq Mama Kamachikuykunatam may unayña mañakuyku, chaykunata aswanpas mañakunanchik, ¿imaraykutaq Pacha Mamanchiktari wakchayachichkanku? Chaykunaqa suwakuymi, chaytaq maypipas manam allinchu, Icha, ¿qam ima ñinkitaqchus?
Sumaqllaña, ichaqa yuyaychanakuspa.
Ñuqanchik runakunari, ¿mana
Ñuqanchik runakunari, ¿mana yuyayniyuqchu kanchik kamachinakuy mana atinanchikpaq?
Taytaykuna, mamaykuna llapantiykichikpas napaykusqam kankichik, ¿allinllachu? ¿Quwipas, llamapas hunt'asqachu?
Pacha Mamanchikqa llapan wawankunanmanmi kay allpataqa quwanchik. Ñuqanchikqa chay allpakunapi tiyaqkuna, may ñawpaqmantaraqmi Pacha Mamawan kawsaytaqa yachanchik; chayraykutaqmi paytaqa ancha yuyaywanmi qhawarikuq kanchik; kunanñataqmi huk kallpasapa runakunalla allpanchikkunataqa hukkunaman qhaturqapuchkan, ñuqanchiktaqmi mana imayuq qhipapuchkanchik; allpanchikkunamanta hark'akuptinchiktaq armawan t'uqyaykuchiwanchik; huk hatun huchayuqkunatataq mana imanankupaschu. Chaykunaqa manam allinchu. Allpanchikkunataqa ñuqanchikpuni qhawarikunanchik; chay allpakunaqa ñuqanchikpaqtam, manam kamachikuqkunap kaqninchu; paykunapas ñuqanchik llaqta runakunap allpanta kaqnicharqukuspam qhapaq qhapaq tarikunku; chayhina kawsayqa manam allinchu; chaykunata ruraspaqa kay Pacha Mamatam waqllichichkanku, chayraykutaqmi parananpiqa ch'akiripun, ch'akirinanpitaq parachkan; chaykunaqa rikhurimuy pantasqata imatapas rurasqanchikmntam. Ñuqaykuqa manam waq'achu kayku, yuyayniyuq runam kayku, chayraykutaq kaqniykutaqa ñuqaykupuni qhawarinayku, kay allpakunaqa manataqmi qhatusqaqa kanmanchu, chay kamachikuqkunari, ¿imaraykutaq mana tayta mamankup allpanta qhatukamunkuchu? Ñuqanchikqa uyarina kananchik, mana uyarisqa kaspaqa t'aqakapusunchikcha riki, ¿chaytachu kay Estado suyachkan? ¿Chaytachu munan? Musuq Mama Kamachikuykunatam may unayña mañakuyku, chaykunata aswanpas mañakunanchik, ¿imaraykutaq Pacha Mamanchiktari wakchayachichkanku? Chaykunaqa suwakuymi, chaytaq maypipas manam allinchu, Icha, ¿qam ima ñinkitaqchus?
Sumaqllaña, ichaqa yuyaychanakuspa.