Españamanta wayrap apamusqankuna manaraq chayamuchkaptinri, ñuqanchik rurakuna sallqachu karqanchik? Taytaykuna, mamaykuna llapantapas napaykamuykichikmi. Kay Anti llaqtakunapiqa runaqa kawsallaqpuni kasqa; allintam kawsaqpas kasqaku, chaymantaq yarqaypa qatisqan sunkhayuq runakuna chayamuspa munasqankuta rurachkanku. Ñuqanchik runakunari ¿yarqaymanta muchuypichu karqanchik? ¿Mana riki? Yarqaymantapas, unqusqapas, mana allin kaspapas, ¿mayhinatataq ñawpanchikkunari Machu Pikchutapas, huk hatun kawsaykunatapas paqarichinkuman karqan? Kay watakuan, runari ch'ipu ñawiraqtaq, q'usi ñawiraqtaq, ¿imaraykutaq kay allpanchikkunaman hamunku? Paykuanqa ñawpanchikkinap rurasqan qhawariq, chaykuna yachaq ari hamunku; llaqtankupiqa sinchi muchuypim kawsanku chayraykutaqmi Inkakunamanta yachamusunchik ñispa kay llaqtakunaman hamunku, wakinqa cocaina rantiqlla hamullankutaq. Inkakunaqa cocainataqa manam riqsirqankuchu, aswanpas kukallatam apaykacharqankuqa. Chayqa México llaqtapihina ari runakunaqa musuq yachaninakuyta mañakunanchik. Aswanqa Musuq Yachacinakuyta ñuqanchik paqarichinanchik, yanqam llullakunatapas, suwakunagtapas ¿ñinchik" allin kamachikuyta churamuychik 2ñispa; paykunaqa suwakunankurayku "arí, arí ñuqaykuña" ñispa yanqalla yukawanchik. Qhawarinapaq. Kay Mama Llaqtanchjikpim Iskay simiñpi, iskay kawsaypi yachachinakuy yaqa 50 wataña kanqa; chaypiqa hayk'a qullqiñam tukukun, ¿kunankama kanchu huk runallapas chay runa sim ikunapi qillqaq? Chayri, ¿maytaq chay DIGEIBIRAkunap llamk'asqan? Icha kastilla simillapichu imatapas qhichwa runakunamanta qillqamuchkankupas. Yukanakuyqa achkam kachkan, chaykunata ari ñuqanchik runapura qhawarinanchik, ¡kawsachisunchikchu runa siminchiktapas, runa kawsayninchiktapas icha manañachu? chaytaqa allintapuni qhawarinanchik. Yanqam 169 yupayniyuq OITmanta kamachikuypas, yanqam Mama Kamachikuyninchikkunapas, yanqam 28044 yupayniyuq kamachikuypas, 19° 20° ñiqinkunapas, yanqam huk kamachikuykunapas, MANAM HUNT'AKUNCHU; chaykuna hunt'akunallantapas mañakunanchikpunim. Qhawarikusunchik ari Mexico llaqta runakunata; ñuqanchikmi kamachjikuqkunamanta kananchik, yanqam q'arakunaqa, paykunaqa paykunapaq kamachilkuchunku; ñuqanchikqa uywata michispa, chakrata llamk'aspam ñawinchahytapas, qillqaytapas, imatapas yachananchik; mana chayqa qhawarisunchik, ¿pikunataq Machu Pikchuta paqarichirqan? Diplomadokuna? ¿Magisterkuna? ¿Doctorkuna? Manam. Machu Pikchutapas huk allin qhawarisqa kawsaykunatapas llaqta runam rurarqan, ichaqa yachasqanmanhina kamachikuspa. ¿Maypitaq chaykunatari yacharqanku? Llamk'anapi llamk'aspa ari chaykunataqa yachapurqanku; chayraykutaqmi ñuqanchikpas llamk'aspa imatapas yachananchik, chayewanmi kay muchuq llaqtanchikataqa llakiykunamanta qispichisunchik, ¿allinchu? ¿Qamri, hayk'aptaq kay qillqasqata kutichimunki? Napaykuykichik.
Españamanta wayrap
Españamanta wayrap apamusqankuna manaraq chayamuchkaptinri, ñuqanchik rurakuna sallqachu karqanchik?
Taytaykuna, mamaykuna llapantapas napaykamuykichikmi. Kay Anti llaqtakunapiqa runaqa kawsallaqpuni kasqa; allintam kawsaqpas kasqaku, chaymantaq yarqaypa qatisqan sunkhayuq runakuna chayamuspa munasqankuta rurachkanku. Ñuqanchik runakunari ¿yarqaymanta muchuypichu karqanchik? ¿Mana riki? Yarqaymantapas, unqusqapas, mana allin kaspapas, ¿mayhinatataq ñawpanchikkunari Machu Pikchutapas, huk hatun kawsaykunatapas paqarichinkuman karqan? Kay watakuan, runari ch'ipu ñawiraqtaq, q'usi ñawiraqtaq, ¿imaraykutaq kay allpanchikkunaman hamunku? Paykuanqa ñawpanchikkinap rurasqan qhawariq, chaykuna yachaq ari hamunku; llaqtankupiqa sinchi muchuypim kawsanku chayraykutaqmi Inkakunamanta yachamusunchik ñispa kay llaqtakunaman hamunku, wakinqa cocaina rantiqlla hamullankutaq. Inkakunaqa cocainataqa manam riqsirqankuchu, aswanpas kukallatam apaykacharqankuqa. Chayqa México llaqtapihina ari runakunaqa musuq yachaninakuyta mañakunanchik. Aswanqa Musuq Yachacinakuyta ñuqanchik paqarichinanchik, yanqam llullakunatapas, suwakunagtapas ¿ñinchik" allin kamachikuyta churamuychik 2ñispa; paykunaqa suwakunankurayku "arí, arí ñuqaykuña" ñispa yanqalla yukawanchik. Qhawarinapaq. Kay Mama Llaqtanchjikpim Iskay simiñpi, iskay kawsaypi yachachinakuy yaqa 50 wataña kanqa; chaypiqa hayk'a qullqiñam tukukun, ¿kunankama kanchu huk runallapas chay runa sim ikunapi qillqaq? Chayri, ¿maytaq chay DIGEIBIRAkunap llamk'asqan? Icha kastilla simillapichu imatapas qhichwa runakunamanta qillqamuchkankupas. Yukanakuyqa achkam kachkan, chaykunata ari ñuqanchik runapura qhawarinanchik, ¡kawsachisunchikchu runa siminchiktapas, runa kawsayninchiktapas icha manañachu? chaytaqa allintapuni qhawarinanchik. Yanqam 169 yupayniyuq OITmanta kamachikuypas, yanqam Mama Kamachikuyninchikkunapas, yanqam 28044 yupayniyuq kamachikuypas, 19° 20° ñiqinkunapas, yanqam huk kamachikuykunapas, MANAM HUNT'AKUNCHU; chaykuna hunt'akunallantapas mañakunanchikpunim. Qhawarikusunchik ari Mexico llaqta runakunata; ñuqanchikmi kamachjikuqkunamanta kananchik, yanqam q'arakunaqa, paykunaqa paykunapaq kamachilkuchunku; ñuqanchikqa uywata michispa, chakrata llamk'aspam ñawinchahytapas, qillqaytapas, imatapas yachananchik; mana chayqa qhawarisunchik, ¿pikunataq Machu Pikchuta paqarichirqan? Diplomadokuna? ¿Magisterkuna? ¿Doctorkuna? Manam. Machu Pikchutapas huk allin qhawarisqa kawsaykunatapas llaqta runam rurarqan, ichaqa yachasqanmanhina kamachikuspa. ¿Maypitaq chaykunatari yacharqanku? Llamk'anapi llamk'aspa ari chaykunataqa yachapurqanku; chayraykutaqmi ñuqanchikpas llamk'aspa imatapas yachananchik, chayewanmi kay muchuq llaqtanchikataqa llakiykunamanta qispichisunchik, ¿allinchu? ¿Qamri, hayk'aptaq kay qillqasqata kutichimunki?
Napaykuykichik.