¿Modernidad? Kay llaqtanchikkunapiqa allin umayuq, allin sunquyuq, allin yuyayniyuq ñawpa runakunap rurasqantaqa qhipa wiñaykuna llapantam waqllichipuchkanku, chayqa mayniqmanta qhawarisqapas manam allinchu; ¿imaraykutaq runari chaykunata ruran? Kay pacha runaqa qullqillatam maypipas tariyta munan, chay qhipamanri ¿qullqitachu mikhunqaku? ¿Qullqitachu samanqaku? ¿Qullqiwanchu imankutapas mayllanqaku? ¿Mana riki? ¿Chaypaqchu maestriatapas, doctoradotas ruranku? Wasinchikpiqa uywananchikpunim quwillatapas, sarallatapas, chaymi wawakunapas allin kawsayman qhawarinqaku. Rimaq (Lima ) llaqtapiqa runa manañam yapakunanchu, chayqa manam allinchu. Ñuqaqa kay mama llaqtanchikpi kamachikuq kaspa Ministeriokunata wak llaqtakunaman astarquchiyman, chaykunapi runa tiyananpaq, chaykunapi wasi rurakunanpaq, chaykunapi allin kawsay kananpaq. ¿Imataq Machu Pikchuri karqan? ¿Chay llaqtari aqu pampapichu icha qaqa patapichu? ¿Imaraykutaq chayri? ¿Chayri yanqapaqchu Historia del Perúta primariapipas, secundariapipas, universidadpipas, doctoradopipas yachamurqanku i? Chayqa yachachinakuyninchikpas manapuni ari allinchu tarikun. ¿Imapaqtaq yachay wasikunapiri yachachichkanchik? Suwakuy kananpaq, maqanakuy kananpaq, manchasqalla maypipas kawsananchikpaq, unquykuna tukuy hawapi mirarparinanpaq, ¿riki? ¿Mana chayhina kaptinri, imaraykutaq umalliqninchikkunapas, huk kamachikuqkunapas carcelpi wichq¿achikunqaku? Mayniqmanta qhawarisqapas, yachachinakuyninchikqa manam allinchu, Yachachinakuyninchiktaqa llapallantam t'ikrananchik, kaqtaq chayqa atikunqa musuq Mama Kamachikuy paqariptin. Chaykunata ari maskananchik, hukkunaqa yanqan, kaqtaqmi Chaninchakuqkunapas. Chayqa Pacha Mamanchikmanta ari mañakusunchik sunqunchik sumaqyananpas, yuyayninchik allinyananpaq, Pacha Mamawan sumaq uywanakuy kananpaq; chahyllatapas ari mañakusunchik. Sumaqllaña, qampas ñuqapas t'ikrananchikmi sumaq kawsayman. ¡Paqtataq!
¿Modernidad? Kay
¿Modernidad? Kay llaqtanchikkunapiqa allin umayuq, allin sunquyuq, allin yuyayniyuq ñawpa runakunap rurasqantaqa qhipa wiñaykuna llapantam waqllichipuchkanku, chayqa mayniqmanta qhawarisqapas manam allinchu; ¿imaraykutaq runari chaykunata ruran? Kay pacha runaqa qullqillatam maypipas tariyta munan, chay qhipamanri ¿qullqitachu mikhunqaku? ¿Qullqitachu samanqaku? ¿Qullqiwanchu imankutapas mayllanqaku? ¿Mana riki? ¿Chaypaqchu maestriatapas, doctoradotas ruranku? Wasinchikpiqa uywananchikpunim quwillatapas, sarallatapas, chaymi wawakunapas allin kawsayman qhawarinqaku. Rimaq (Lima ) llaqtapiqa runa manañam yapakunanchu, chayqa manam allinchu. Ñuqaqa kay mama llaqtanchikpi kamachikuq kaspa Ministeriokunata wak llaqtakunaman astarquchiyman, chaykunapi runa tiyananpaq, chaykunapi wasi rurakunanpaq, chaykunapi allin kawsay kananpaq. ¿Imataq Machu Pikchuri karqan? ¿Chay llaqtari aqu pampapichu icha qaqa patapichu? ¿Imaraykutaq chayri? ¿Chayri yanqapaqchu Historia del Perúta primariapipas, secundariapipas, universidadpipas, doctoradopipas yachamurqanku i? Chayqa yachachinakuyninchikpas manapuni ari allinchu tarikun. ¿Imapaqtaq yachay wasikunapiri yachachichkanchik? Suwakuy kananpaq, maqanakuy kananpaq, manchasqalla maypipas kawsananchikpaq, unquykuna tukuy hawapi mirarparinanpaq, ¿riki? ¿Mana chayhina kaptinri, imaraykutaq umalliqninchikkunapas, huk kamachikuqkunapas carcelpi wichq¿achikunqaku? Mayniqmanta qhawarisqapas, yachachinakuyninchikqa manam allinchu, Yachachinakuyninchiktaqa llapallantam t'ikrananchik, kaqtaq chayqa atikunqa musuq Mama Kamachikuy paqariptin. Chaykunata ari maskananchik, hukkunaqa yanqan, kaqtaqmi Chaninchakuqkunapas. Chayqa Pacha Mamanchikmanta ari mañakusunchik sunqunchik sumaqyananpas, yuyayninchik allinyananpaq, Pacha Mamawan sumaq uywanakuy kananpaq; chahyllatapas ari mañakusunchik. Sumaqllaña, qampas ñuqapas t'ikrananchikmi sumaq kawsayman. ¡Paqtataq!