Napaykusqam kankichik llapan taytaykuna, mamaykuna. Mana allinña kaspapas allinlla kakuychik. Aymara simipi willakuqkunap rurasqanqa ancha allinmi kachkan. Paykunahina ari hukkunapas rurananchik. ¿Qhichwa simipi willakuqkunari kanchikchu icha manachu? ¿Icha manañachu qhichwa simi rimaq runa kapunchikpas? ¿Icha p'inqakapunchikchu tayta mamanchikpa rimasqan simimanta? ¿Kallpachu mana kapunpas? Rikch'arisunchik ari qhichwa rimaq taytaykuna, mamaykuna. Sapallanchikqa pisi kallpayuqmi kanchik, huñukuspaqa hatun kallpayuqmi kanchik; chayraykutaqmi imatapas waykillapipuni rurananchik; kaqtaq achkamantaqa kallpawan amachakusunchikpas. Aymara runapas, qhichwa runapas ancha yachayniyuqmi kanchik; yaqapas chay yachaykunataqa mana yachay wasikunapichu hap'imunchik, aswanpas wasinchikpi, tayta mamanchikmanta, ayllu masinchikkunawan kuska, llaqtanchikpi llamk'aspa. Willanakuspaqa aswanraqmi imatapas allintapunim yacharqunchikpas, atirqunchikpas. Runapas, qhusi ñawikunapas, p'aqu chukchakunapas, ¿imaraykutaq llaqtanchikkunamanri hamunku? ¿Qullqinkuta tukurquyta munaspalla? Paykunaqa may ñawpaqmantaraq kay allpakunapi rurasqakuna qhawa-riqmi hamunku. ¿Imata mikhuspataq chay runakunari chay chiri allpakunapi tiyanku? ñispam paykunaqa hamunku. ¿Imataq ch'arki, imataq quwi, imataq paqucha, imataq kinuwa, imataq qañiwa, imataq isku, imataq qarachi, imataq chikuru, imataq kuntur? ñispam paykunaqa hamunku; kaqtaq aymara siminchikta, qhichwa siminchikta uyariyta munaspa hamunku. Chayraykum ñuqanchikqa aymarakunapas, qhichwakunapas ñawpa machunchikkunap rurasqantapas, yachasqantapas kawsachinanchikpuni, mana huk raymillapaqchu, mana huk p'unchawllapaqchu, mana huk watallapaqchu, aswanpas wiñaypaq wiñaypaq. Chayqa rayminchikkunapi rurasqanchiktaqa yaqa sapa p'unchaw ari kusisqapuni rurananchik; kaqllataq aymara siminchiktapas, qhichwa siminchiktapas kawsachinanchikpuni; yachay wasikunapipas, llamk'ana wasikunapipas chay simikunapi rimananchik; willakuq taytakunapas, willakuq mamakunapas chay simikunapi rimananchikpas, qillqananchikpas; chaymi tayta mamanchik munayqa, chaymi kawsayninchik munayqa, chaymi runa siminchikkuna munayqa. Yaqapas wak simikunapi rimapayasqapas, wak hawa simikunapi ñawinchaspapas mana allintachu yuyayninta hap'inchik; tayta mamanchikpa siminpiqa tukuy imata ari hunt'asqata hap'isunchik, chaymi allinqa, ñuqanchikpas chay simikunapi kutipakusunchik, ¿allinchu? Chaypachaqa qampas kay qillqasqata runa simipi qillqaspa kutirichimuway. Chaykamaqa sumaqlla.
Napaykusqam kankichik llapan
Napaykusqam kankichik llapan taytaykuna, mamaykuna. Mana allinña kaspapas allinlla kakuychik. Aymara simipi willakuqkunap rurasqanqa ancha allinmi kachkan. Paykunahina ari hukkunapas rurananchik. ¿Qhichwa simipi willakuqkunari kanchikchu icha manachu? ¿Icha manañachu qhichwa simi rimaq runa kapunchikpas? ¿Icha p'inqakapunchikchu tayta mamanchikpa rimasqan simimanta? ¿Kallpachu mana kapunpas? Rikch'arisunchik ari qhichwa rimaq taytaykuna, mamaykuna. Sapallanchikqa pisi kallpayuqmi kanchik, huñukuspaqa hatun kallpayuqmi kanchik; chayraykutaqmi imatapas waykillapipuni rurananchik; kaqtaq achkamantaqa kallpawan amachakusunchikpas. Aymara runapas, qhichwa runapas ancha yachayniyuqmi kanchik; yaqapas chay yachaykunataqa mana yachay wasikunapichu hap'imunchik, aswanpas wasinchikpi, tayta mamanchikmanta, ayllu masinchikkunawan kuska, llaqtanchikpi llamk'aspa. Willanakuspaqa aswanraqmi imatapas allintapunim yacharqunchikpas, atirqunchikpas. Runapas, qhusi ñawikunapas, p'aqu chukchakunapas, ¿imaraykutaq llaqtanchikkunamanri hamunku? ¿Qullqinkuta tukurquyta munaspalla? Paykunaqa may ñawpaqmantaraq kay allpakunapi rurasqakuna qhawa-riqmi hamunku. ¿Imata mikhuspataq chay runakunari chay chiri allpakunapi tiyanku? ñispam paykunaqa hamunku. ¿Imataq ch'arki, imataq quwi, imataq paqucha, imataq kinuwa, imataq qañiwa, imataq isku, imataq qarachi, imataq chikuru, imataq kuntur? ñispam paykunaqa hamunku; kaqtaq aymara siminchikta, qhichwa siminchikta uyariyta munaspa hamunku. Chayraykum ñuqanchikqa aymarakunapas, qhichwakunapas ñawpa machunchikkunap rurasqantapas, yachasqantapas kawsachinanchikpuni, mana huk raymillapaqchu, mana huk p'unchawllapaqchu, mana huk watallapaqchu, aswanpas wiñaypaq wiñaypaq. Chayqa rayminchikkunapi rurasqanchiktaqa yaqa sapa p'unchaw ari kusisqapuni rurananchik; kaqllataq aymara siminchiktapas, qhichwa siminchiktapas kawsachinanchikpuni; yachay wasikunapipas, llamk'ana wasikunapipas chay simikunapi rimananchik; willakuq taytakunapas, willakuq mamakunapas chay simikunapi rimananchikpas, qillqananchikpas; chaymi tayta mamanchik munayqa, chaymi kawsayninchik munayqa, chaymi runa siminchikkuna munayqa. Yaqapas wak simikunapi rimapayasqapas, wak hawa simikunapi ñawinchaspapas mana allintachu yuyayninta hap'inchik; tayta mamanchikpa siminpiqa tukuy imata ari hunt'asqata hap'isunchik, chaymi allinqa, ñuqanchikpas chay simikunapi kutipakusunchik, ¿allinchu? Chaypachaqa qampas kay qillqasqata runa simipi qillqaspa kutirichimuway. Chaykamaqa sumaqlla.