Llapanniykichiktapas napaykukuykichikpunim. ¿Tayta mamanchikkunari mana yachay, mana ima ruray atiqchu karqanku? Kay allpakunapiqa manam yarqayqa riqsikurqanchu; ima hatun llakiña hamuptinpas yarqaytaqa atipaqpunik kanchik. Pacha Mamanchik waqllichisqamantapas wayrapas, qasapas, chikchipas sinchitapuni hasut'iwaptinchikqa karqan ari ñawpa yachayninchikkuna; chaykunawantaq mana allinkunataqa llallirqanchikpuni. Chakrakunaña mana allinta ruruptinqa mikhurqanchikmi sallqa qurakunatapas, hampikunatapas, huk uywachakunatapas. Chaykunamantari, ¿imaraykutaq qunqapuchkanchik? Sibaritakunapas, wak mana chanin mikhuykunapas rikhurimuptin ari ñawpa allin kawsayninchikkunataqa kikin radio, kikin TV, kikin willakuq revistakuna hatun propagandakunawan qunqachiwanchiktaq, p'inqachiwanchiktaq; chayraykutaqmi ñuqanchikqa chay ñawpa yachaykunamanta p'inqakapunchik; chay mana tarpusqanchik qurakuna mikhuytaqa p'inqakapunchik; chaykunatam yachay wasikunapi ruranku, kikin colegiokunapi, kikin universidadkunapipas, ¿pitaq chikurutapas, pillikunatapas, sank'ayutapas, ch'ichikunatapas, wayt'amputapas, rinrikunatapas, qapasutapas, yuyukunatapas, mmm mikhunpas, chaykunamantapas yachachin? Tawantin Suyupiqa allin yachaykunapas, hatiun yachaykunapas karqanpunim; chaykunawanmi runa allinta kawsarqan, manam kunamhinachu unquykuna riqsikurqan, manam yarqay karqanchu, allinta mikhuspam Machu Pikchutapas, Saqsay Wamantapas, Taypi Qalatapas, Piki Llaqtatapas, Sillustanitapas, Chawintapas, Muchi Llaqtakunatapas ñawpaqman purichirqanchik. Kay p'unchawkunaqa chay ruraykunamanta ari qunqaripunchik, chayraykutaqmi mana allin kawsaykuna riqkhurimuchkan. Ñawpaqqa Pacha Mamanchikta, Mama Quchata, llapan apukunatapas, pukyukunatapas, paqarinakunatapas sumaqta qhawakuna kaq; kunanqa chay yachayninchikkuna allquchasqa kapun, chayraykutaqmi muchuypas, wakcha kaypas anchata tukuy hawapi rikhurimun, Pacha Mamanchiktaqa sinchitapuni waqllichipunchik; chaykunataqa kikin gobierno kamachikuqninchikkuna chayhinata pantasqata imatapas rurantaq, rurachintaq; chayraykum
Llapanniykichiktapas napaykukuykichikpunim. ¿Tayta mamanchikkunari mana yachay, mana ima ruray atiqchu karqanku? Kay allpakunapiqa manam yarqayqa riqsikurqanchu; ima hatun llakiña hamuptinpas yarqaytaqa atipaqpunik kanchik. Pacha Mamanchik waqllichisqamantapas wayrapas, qasapas, chikchipas sinchitapuni hasut'iwaptinchikqa karqan ari ñawpa yachayninchikkuna; chaykunawantaq mana allinkunataqa llallirqanchikpuni. Chakrakunaña mana allinta ruruptinqa mikhurqanchikmi sallqa qurakunatapas, hampikunatapas, huk uywachakunatapas. Chaykunamantari, ¿imaraykutaq qunqapuchkanchik? Sibaritakunapas, wak mana chanin mikhuykunapas rikhurimuptin ari ñawpa allin kawsayninchikkunataqa kikin radio, kikin TV, kikin willakuq revistakuna hatun propagandakunawan qunqachiwanchiktaq, p'inqachiwanchiktaq; chayraykutaqmi ñuqanchikqa chay ñawpa yachaykunamanta p'inqakapunchik; chay mana tarpusqanchik qurakuna mikhuytaqa p'inqakapunchik; chaykunatam yachay wasikunapi ruranku, kikin colegiokunapi, kikin universidadkunapipas, ¿pitaq chikurutapas, pillikunatapas, sank'ayutapas, ch'ichikunatapas, wayt'amputapas, rinrikunatapas, qapasutapas, yuyukunatapas, mmm mikhunpas, chaykunamantapas yachachin? Tawantin Suyupiqa allin yachaykunapas, hatiun yachaykunapas karqanpunim; chaykunawanmi runa allinta kawsarqan, manam kunamhinachu unquykuna riqsikurqan, manam yarqay karqanchu, allinta mikhuspam Machu Pikchutapas, Saqsay Wamantapas, Taypi Qalatapas, Piki Llaqtatapas, Sillustanitapas, Chawintapas, Muchi Llaqtakunatapas ñawpaqman purichirqanchik. Kay p'unchawkunaqa chay ruraykunamanta ari qunqaripunchik, chayraykutaqmi mana allin kawsaykuna riqkhurimuchkan. Ñawpaqqa Pacha Mamanchikta, Mama Quchata, llapan apukunatapas, pukyukunatapas, paqarinakunatapas sumaqta qhawakuna kaq; kunanqa chay yachayninchikkuna allquchasqa kapun, chayraykutaqmi muchuypas, wakcha kaypas anchata tukuy hawapi rikhurimun, Pacha Mamanchiktaqa sinchitapuni waqllichipunchik; chaykunataqa kikin gobierno kamachikuqninchikkuna chayhinata pantasqata imatapas rurantaq, rurachintaq; chayraykum