Taytaykuna, mamaykuna, llapanpas napaykusqa kankichik. Kay allpakunapi ñawpaqmantaraq kawsaq runaqa ancha hatun yachayniyuqmi karqan; chayraykutaqmi imatapas allin yuyaypipuni rurarqan, chaykunatam rikusunchikman: Parakaspi, Naskapi, Chawinpi, Muchikapi, Tiyawanakupi, Inkakunapipas; Machu Pikchupi, Sillustanipi, Saqsay Wamanpi, qullqakunapi, pukarakunapi, pata patakunapi, quchakunapi, waru warukunapi; uywakuna michisqankupi, rurukuna uywasqankupi, mikhuykuna riqsisqankupi, awaykuna rurasqankupi, hampinakusqankupi, Pacha Mamawan uywanakusqankupi; mana chayri mayhinatataq kawsankuman karqan? Ñuqanchikqa manam wakchachu karqanchik, manam mikhuymanta yarqasqa runachu karqanchik, manam kunan p'unchawkunahinachu unqusqa tarikurqanchik, manam kay p'unchawkunahinachu suwanakuypi, wañuchinakuypi tarikurqanchik.Ñuqanchikqa runa siminchikta rimaspa allintam rimanakurqanchik. Kay Anti llaqtakunapiqa manam kunanhina yukanakuypichu tiyarqanchik; ima llakipiña rikukuspapas ñutqhunchikwanmi allin ñanman churarqanchik. Kay chiri urqukunapi kawsayqa ancha sasam, ichaqa ñuqanchikqa allintam kawsarqanchik. Chakrataqa pata patakunapi, quchakunapi, waru warukunapi rurarqanchik. Ispaña runakuna chayamusqallanmantam chkra ruraytaqa qunqachiwanchik, kaqtaq tukuy ima yachayninchiktapas, runa siminchik rimaytapas; chayri, ¿maytaq allin kawsay apamusqanku? ¿Allin kawsaychu quri, qullqi qhuyakunallapi llamk'ay? ¿Allin kawsaychu Ullantay Tampupipas, P'isaqpipas, Saqsaywamanpipas, huk llaqtakunapipas pata patakuna imapas mana ruruchiy? ¿Hayk'apmantataq chaykunari qallarin? Pata patakunatapas, quchakunatapas, waru warukunatapas ispañulkunam qunqachiwanchik. Hatun llaqtakunapi kamachikuqkunam, runa simi mana rimaqkunam chaykunataqa qunqachiwanchik. Hawa llaqta runakunaqa achkaraqmi kachkayku, ichaqa manam pipas yanapawankuchu. Ñuqayku runa simi rimaq runakuna mikhunanchik rurukunata mana urichiykumanchu chayri, ¿pitaq mikhuykunata ruruchin? Chayqa kamachikuqkuna: uyariwayku, qhawariwayku, rikuwayku, ñuqaykuqa yachasqaykuwan mikhunankunatapas, imatapas ruruchisaqkun, ichaqa chay ruruchisqaykuta rakiyta, ch'iqichiyta, qhatuyta yanapawayku, chayllatapas ruraychik. Icha, ¿qamqa ima ninkichus?
Taytaykuna, mamaykuna, llapanpas napaykusqa kankichik.
Kay allpakunapi ñawpaqmantaraq kawsaq runaqa ancha hatun yachayniyuqmi karqan; chayraykutaqmi imatapas allin yuyaypipuni rurarqan, chaykunatam rikusunchikman: Parakaspi, Naskapi, Chawinpi, Muchikapi, Tiyawanakupi, Inkakunapipas; Machu Pikchupi, Sillustanipi, Saqsay Wamanpi, qullqakunapi, pukarakunapi, pata patakunapi, quchakunapi, waru warukunapi; uywakuna michisqankupi, rurukuna uywasqankupi, mikhuykuna riqsisqankupi, awaykuna rurasqankupi, hampinakusqankupi, Pacha Mamawan uywanakusqankupi; mana chayri mayhinatataq kawsankuman karqan? Ñuqanchikqa manam wakchachu karqanchik, manam mikhuymanta yarqasqa runachu karqanchik, manam kunan p'unchawkunahinachu unqusqa tarikurqanchik, manam kay p'unchawkunahinachu suwanakuypi, wañuchinakuypi tarikurqanchik.Ñuqanchikqa runa siminchikta rimaspa allintam rimanakurqanchik.
Kay Anti llaqtakunapiqa manam kunanhina yukanakuypichu tiyarqanchik; ima llakipiña rikukuspapas ñutqhunchikwanmi allin ñanman churarqanchik. Kay chiri urqukunapi kawsayqa ancha sasam, ichaqa ñuqanchikqa allintam kawsarqanchik. Chakrataqa pata patakunapi, quchakunapi, waru warukunapi rurarqanchik. Ispaña runakuna chayamusqallanmantam chkra ruraytaqa qunqachiwanchik, kaqtaq tukuy ima yachayninchiktapas, runa siminchik rimaytapas; chayri, ¿maytaq allin kawsay apamusqanku?
¿Allin kawsaychu quri, qullqi qhuyakunallapi llamk'ay? ¿Allin kawsaychu Ullantay Tampupipas, P'isaqpipas, Saqsaywamanpipas, huk llaqtakunapipas pata patakuna imapas mana ruruchiy? ¿Hayk'apmantataq chaykunari qallarin? Pata patakunatapas, quchakunatapas, waru warukunatapas ispañulkunam qunqachiwanchik. Hatun llaqtakunapi kamachikuqkunam, runa simi mana rimaqkunam chaykunataqa qunqachiwanchik.
Hawa llaqta runakunaqa achkaraqmi kachkayku, ichaqa manam pipas yanapawankuchu. Ñuqayku runa simi rimaq runakuna mikhunanchik rurukunata mana urichiykumanchu chayri, ¿pitaq mikhuykunata ruruchin?
Chayqa kamachikuqkuna: uyariwayku, qhawariwayku, rikuwayku, ñuqaykuqa yachasqaykuwan mikhunankunatapas, imatapas ruruchisaqkun, ichaqa chay ruruchisqaykuta rakiyta, ch'iqichiyta, qhatuyta yanapawayku, chayllatapas ruraychik. Icha, ¿qamqa ima ninkichus?