Taytaykuna, mamaykuna llapanpas napaykusqa kankichik. Arí Papa tayta Franciscomanmi huk sipascha huk qillqasqata pakallamanta aypachisqa. Wakin runataqa kay llaqtanchikpihina ari uyarikuqkunawanqa mana tinkuchiwanchikchu, hark'awanchik, upallalla kananchikta munanku, rimananchiktaqa manapuni munankuchu; chayhinam Ecuador Mama llaqtapipas indígena sutichasqa runakunata Papa Franciscowan rimananta mana munasqakuchu; ichaqa huk yuyaysapa sipascha aypachisqapuni CONAIEp qillqasqanta. Chay mana allin kawsaykunaqa maypipas kanqapuni; chayraykum runa masiykuna, ñuqanchikqa kay allpapi paqariq runahina huñunakunanchik, rimanakuspataq ñawpa kawsayninchikman kutinanchik; amaña ari simisapakunawanqa yukachikusunchikchu; paykunaqa "agua sí, oro no" nispa akllachikunanrayku hamunqaku, chaymantataq rimasqanta t'ikraspa muchuyman qatiykuwasunchik. Chay atuqkunaqa achkañam kay Pacha Mamanchikpi; manañam paykunapiqa iñisunchikmanchu. Paykunataqa MANAÑAM AKLLASUNCHIKMANCHU, wakkunata ari ñuqanchik ukhumanta akllanakusunchik, ama yukakuqta, ama llullakuqata, ama suwakuqta. Qayna ch'isilla Españapi kamachikuqninchikpas llullakuchkan. "Kunanqa hampisqas kanchik, kunanqa wakchapas pisis karqun, kunanqa allin kawsaypis tarikunchik".Chayhinata ari wak llaqtakunapiqa kamachikuqninchikpas llullakun, ¿imaraykutaq Lima llaqtapiri runa anchatapuni suwanakunpas, wañuchinakunpas? ¿Allin kasqanchikraykuchu? Llapan runapas unqusqam tarikunchik, Seguroman puriptinchiktaq "kimsa killamanta kutimuy" nispa niwanchik. ¿Hampiri? Chayqa kanqapas, manapas kimsa killamantaraq. Chay llullakuykuna uyariq runakunata Callao llaqtaman pusamuna kanman, Hospital Rebagliatita qhawachina kanman, qhatunchikkunata rikuchina kanman. Ñuqanchik wakcha runakunaqa kaykunata rikuspa ñuqanchikpura tantanakuspa, rimanakuspa yuyaychanakunanchik; chaymantataq kamachikuqninchikkunap llullakusqantapas, suwakusqantapas, mana allin kawsasqantapas sut'iman hurqunanchik, chaykunata ruraspachus kay Perú Mama llaqtanchikta allin ñanman churasunchikman. Icha ¿qamqa manapascha chayta munankichu?
Taytaykuna, mamaykuna llapanpas napaykusqa kankichik. Arí Papa tayta Franciscomanmi huk sipascha huk qillqasqata pakallamanta aypachisqa.
Wakin runataqa kay llaqtanchikpihina ari uyarikuqkunawanqa mana tinkuchiwanchikchu, hark'awanchik, upallalla kananchikta munanku, rimananchiktaqa manapuni munankuchu; chayhinam Ecuador Mama llaqtapipas indígena sutichasqa runakunata Papa Franciscowan rimananta mana munasqakuchu; ichaqa huk yuyaysapa sipascha aypachisqapuni CONAIEp qillqasqanta. Chay mana allin kawsaykunaqa maypipas kanqapuni; chayraykum runa masiykuna, ñuqanchikqa kay allpapi paqariq runahina huñunakunanchik, rimanakuspataq ñawpa kawsayninchikman kutinanchik; amaña ari simisapakunawanqa yukachikusunchikchu; paykunaqa "agua sí, oro no" nispa akllachikunanrayku hamunqaku, chaymantataq rimasqanta t'ikraspa muchuyman qatiykuwasunchik. Chay atuqkunaqa achkañam kay Pacha Mamanchikpi; manañam paykunapiqa iñisunchikmanchu. Paykunataqa MANAÑAM AKLLASUNCHIKMANCHU, wakkunata ari ñuqanchik ukhumanta akllanakusunchik, ama yukakuqta, ama llullakuqata, ama suwakuqta. Qayna ch'isilla Españapi kamachikuqninchikpas llullakuchkan. "Kunanqa hampisqas kanchik, kunanqa wakchapas pisis karqun, kunanqa allin kawsaypis tarikunchik".Chayhinata ari wak llaqtakunapiqa kamachikuqninchikpas llullakun, ¿imaraykutaq Lima llaqtapiri runa anchatapuni suwanakunpas, wañuchinakunpas? ¿Allin kasqanchikraykuchu? Llapan runapas unqusqam tarikunchik, Seguroman puriptinchiktaq "kimsa killamanta kutimuy" nispa niwanchik. ¿Hampiri? Chayqa kanqapas, manapas kimsa killamantaraq. Chay llullakuykuna uyariq runakunata Callao llaqtaman pusamuna kanman, Hospital Rebagliatita qhawachina kanman, qhatunchikkunata rikuchina kanman.
Ñuqanchik wakcha runakunaqa kaykunata rikuspa ñuqanchikpura tantanakuspa, rimanakuspa yuyaychanakunanchik; chaymantataq kamachikuqninchikkunap llullakusqantapas, suwakusqantapas, mana allin kawsasqantapas sut'iman hurqunanchik, chaykunata ruraspachus kay Perú Mama llaqtanchikta allin ñanman churasunchikman. Icha ¿qamqa manapascha chayta munankichu?