Tapurikusqaykichik, ashaninkakunapas, shipibokunapas, ¿manachu runa simiyuq kanku? Chayri,¿imaraykutaq mana llaqtankup siminpichu rimapayawanchik? Iskayninpas, "Rimaq llaqtaman chayaspa kastilla simitaqa manam rimarqaykuchu" ninku, chayri, ¿imatataq primariapipas, secundariapipas yacharqanku? Chaypachaqa yanqamanta ari yachachiqninkuna qullqaita chaskirqanku; chayqa mana allinchu ¿riki? Chayhina kaptinri, ¿maypitaq kay wayna sipasri kastilla simita yacharqan? ¿Pitaq yachachirqan? ¿Mayhinatataq yacharqanku? Chaykunatam munayku chay EIB sutiyuq yachachiykunapi. Yaqapas chaypachaqa chay llamk'aykunata t'ikrana kanman. Rurayninkutapas, p'achankutapas, llaqtankutapas mana qunqasqankuqa ancha allinmi kachkan, ichaqa, ¿imaraykutaq mana runa siminkupichu rimanku? Manam rimayllachu, ¿imaraykutaq mana runa siminkupichu qillqamunku? Shunitakunapas, Reynaldokunapas' ¿yaqachus kawsayninkuta chinkachichkanku? Chinukunata ¿riqsinchikchu? Riki, paykunaqa maypiña tarikuspapas, pisilla kaspapas siminkutaqa mana chinkachinkuchu, kaqtaq chifa sutiyuq mikhuyninkutapas may llaqtapiña kaspapas kawsachinkupuni. Willakuyninkupas kanpunim siminkupi qillqasqa, kaqtaq siminkupi yachachinakunkupas; chayqa Rimaqpipas, La Pazpipas, Quitopipas, Londrespipas rikukunpunim. Ñuqanchikqa achkaraq kaspapas p'achanchiktapas, kawsayninchikkunatapas, mikhuyninchikkunatapas, runa siminchiktapas p'inqakuymanta chinkachipuchkanchik. Chayqa manam allinchu, icha, ¿qam ima ninkitaqchus? Kaqtaqmi runa simi rimaq llaqtakunaqa ñuqanchikpura huñunakuspa kamachiqninchikkunata akllakunanchik, chaytaqa ama yukanakuy kananpaq.
Tapurikusqaykichik, ashaninkakunapas, shipibokunapas, ¿manachu runa simiyuq kanku? Chayri,¿imaraykutaq mana llaqtankup siminpichu rimapayawanchik?
Iskayninpas, "Rimaq llaqtaman chayaspa kastilla simitaqa manam rimarqaykuchu" ninku, chayri, ¿imatataq primariapipas, secundariapipas yacharqanku? Chaypachaqa yanqamanta ari yachachiqninkuna qullqaita chaskirqanku; chayqa mana allinchu ¿riki? Chayhina kaptinri, ¿maypitaq kay wayna sipasri kastilla simita yacharqan? ¿Pitaq yachachirqan? ¿Mayhinatataq yacharqanku? Chaykunatam munayku chay EIB sutiyuq yachachiykunapi. Yaqapas chaypachaqa chay llamk'aykunata t'ikrana kanman.
Rurayninkutapas, p'achankutapas, llaqtankutapas mana qunqasqankuqa ancha allinmi kachkan, ichaqa, ¿imaraykutaq mana runa siminkupichu rimanku? Manam rimayllachu, ¿imaraykutaq mana runa siminkupichu qillqamunku? Shunitakunapas, Reynaldokunapas' ¿yaqachus kawsayninkuta chinkachichkanku?
Chinukunata ¿riqsinchikchu? Riki, paykunaqa maypiña tarikuspapas, pisilla kaspapas siminkutaqa mana chinkachinkuchu, kaqtaq chifa sutiyuq mikhuyninkutapas may llaqtapiña kaspapas kawsachinkupuni. Willakuyninkupas kanpunim siminkupi qillqasqa, kaqtaq siminkupi yachachinakunkupas; chayqa Rimaqpipas, La Pazpipas, Quitopipas, Londrespipas rikukunpunim. Ñuqanchikqa achkaraq kaspapas p'achanchiktapas, kawsayninchikkunatapas, mikhuyninchikkunatapas, runa siminchiktapas p'inqakuymanta chinkachipuchkanchik. Chayqa manam allinchu, icha, ¿qam ima ninkitaqchus? Kaqtaqmi runa simi rimaq llaqtakunaqa ñuqanchikpura huñunakuspa kamachiqninchikkunata akllakunanchik, chaytaqa ama yukanakuy kananpaq.