Servindi, 19 de julio, 2010.- Continuamos con nuestro resumen semanal de noticias en lengua Ashaninka, gracias a un acuerdo con la Comunidad de Comunicadores Indígenas de la Selva Central (COCOI), base de la Red de Comunicadores Indígenas del Perú (REDCIP). Se autoriza la libre difusión y reproducción.
- Resumen noticias ashaninka 19 de julio (archivo mp3, 07 minutos, 35 segundos. Descargar con un clic en el enlace y elegir guardar como).
Resumen semanal de noticias
Nacional:
Sampitaantsi. amenakobentirori ora constitucion congresoki intakotakero maaroni yamenakobentakejeitakeri poder ejecutivo oka sankenarentsi jitachari ley ashi sampitaantsi matakotainchari chapinki 19ki mayo 2010.
osheki aapatyabaakayetainchari kemperi aidesep jero conacami te iriñakametsateroji sankenarentsika kantakobentirori atiri kempeteri.
Alberto Pizango, jibatatsiri aidesepki, ikantake “okame yamenakeri pinkatsari te ari onkantabetyaji, eiro imatiro apatiro iramenakobenteri timatsiri irekite, iramekotatatyyeri maaroni atiripee. ”
iriyori jibatatsiri conacami mario palacin, inkantake “okame irointi ninataantsi, tempa apatiro yamenakobentiri empresa ameniriri kisapatsari jero petrolerapee”
Hernan Coronado antabetatsiri caapki, ikantake ora sankenarentsi ñanakobentirori sanpitaantsi irointi yoyajeitakeri peerani atiripee timatitachari inchatomatsiki.
meeka te apatiro iramenakotero ora sanpitaantsi, tempa aisati yamenakotiro jaoka otimayetakeri nampitsipee, ikantake.
ikarabentajeritakero anta jinebraki, inkantakobentyarori oatsinajeitakeriri atiripee tikakobentiriri timititachari peerani inchatomatsiki.
itsipabentanakero ñaanatinkari yeins anbaya, jeri carlos mamani jibatakantirori foro permanente aisati jose carlos morales antabetatsiri mecanismos de expertos.
Mac Kuley. orame poder judicial, yakakotakero sankenarentsiki amenakobentiriri patiri mac kuley.
okame irijokantyaririme yoipiakajiro irosatitya irisabike itiminta.
antyaro ibetsireimentakero aapatiabakayetachari, tempa iri amitakojeitakeriri irisabikantyari anampikika pero.
Sakotaantsi. jibatimentirori 60 nampitsipee timatsiri otsapijaki nija marañon ijatake iquitoski arankini luneski iñanakobentiro sakojatainchari 400 kejipatsari 19ki de junio.
jibatimentirori nampitsi parinari ikenketsireiro irashitero nija marañon inkenketsirenatyari ora amitakorentsi ikantakeri ora empresa.
yotinkaripee biologos, pedro carrillo jeri percy gallegos, ikantajeitake yora kejipatsari yaretakero 100 kilometros, opañake osakojatakenta.
mineria. orame mineria metalika obaanaja anta inchatomatsiki otiminta reserva nacionalk jero parque nacional itiminta osheki poshinirintsipee aisati pashinipee.
iro ikantakeri sankenarentsi yantajeitakeri yamenkobentiro antabakaantsi minerospe yoinijakantakeri ora aapatyabakaantsi cperaccion jero grufides.
Obabakaantsi. maaroni nampitsipee yoashirejeitatya tempa yoyetakeri yora pinkatsaribentirori region ancash José Luis Sanchaez.
Internacional
Mecanis de expertos. pashinikiranki kitaiteri ari antaitari apatorentsi naciones unidaski timatsiri ginebraki, suiza. amekobentatiro tikakobentiriri atiripee.
okame kenkitsarentsiperori amenakobentainchari osarentsikika irointi “tikakobentajeitiriri atiripee ontimantyari iriñanakobentya irisati”.
yokame antaitirori apatorentsika ari iroinijantakero sankenrentsi obametsaperotasanotanakiarika ironijanteri apatotanantsiki antachane koajika amenakobentajeitiriri atiripee antachane setiembreki osarentsika 2010.
apatorentsika jitachari caucus global amekabentajeitiri nampitsipee ikamanajeitiri “ontime kenkitsarentsi” irioshibentantyarori kametsaytyantsi inkarajeitakeri naciones unidaski jero estadopee jeri pashinipee.
okame kenkitsarentsika ontimatye amenakobentero kametsari kenkitsarentsi sankenatakotachane.
Declaración. Carlos Mamani, jibatakantirori kenkitsarentsi amenakobentiriri atiripe anta naciones unidaski ikantake otimatye apatobentyaro kantakotiriri atiripee.
“kempeji atimasanojeitake irotaketya ayoyantyarori amatero ankemabakaantyari” ikantake.
mamani yamekobentatiro otsipasati nampitsipee kari jokakobentiro chapinkiranki.
okame otsipasati nampitsi kari jokakobentirori chapinkiranki. kemperi australia okenkeshireanaja kametsa pashinki osarentsi 2009 irotya nueva zelandia obakera okenkeshireaja okameka osarentsika abrilki 2010.
aisati okempetaja canada okantaji marzoki akakotajeri kantakobentiriri atiripee, aisati estados unidos iintaro isanpiyatiri atiripee timayatatsiri.
Tala. ora parlamento europasati omatakantakero sankenarentsi amekobenterone eiro ipimantajeitajirotsi inchato inampitsiteki, janikarika pimanterone ari inpinatakayetakeri.
Mejiko. orame amenobentirori kametsaityantsi anta estados unidoski, okantake orame empresa monsanto koatsiri obametsatakaantya inpankiyetero shinki transgenikotachaneri anta mejikoki, osheki ikenashitakakero kenkitsarentsi.
Panama. yoyetantakariri atiri poñainchari ngäbe bukle, ebankaripee kuna ikantakeri eiro yantanatajirotsi kariperotaantsi eiro yoantajitsi soraropee.
aisati ikantajeitake eirotemi yantanatiritsi jibantikaripee aisati amenakobentirori tikakobentajeitiriri timayetatsiri.
Colombia. orame ikantakojeita atiripee sabikatsiri kolombiaki maperotakotanaka 34 nampitsi te irisaikaje kametsa irotake impeenpa, ari okantakeri foro permanente amenokabentiripee atiripee.
Bolivia. kantapainchari yantakeri gobierno boliviasati, orame apatoitaantsi jitachari cidob apitajiro aranki luneski yantajeitajiro yanibentajeitajiro.
Chile. 13ki irosati 14ki julio ari antaitari apatorentsi amekobentirori iñanepee atiri sabikatsiri chileki ari antaitari anta yotantsipankoki jitachari santiago de chile.
okame apatotaantsi amenakobentaitaro ñaantsipee tempa kametsa onatii.
Argentina. orame estado timatsiri argentina okoi omperi atiripee matakotakerori iñanakobentiro emilio mignone, inpayetatiyeri maaroni kantakobentirori kametsa.
Fotografia. timatsi nacioneski unidas amekobentirori matakotaantsi, jero corporación olympus aisati agencia france-presse okajemakantajetake ontimatye antero ñatsataantsi shiakantayetantatsiri.
ari oberaka isankenakoyetakari niyankiteni 16 de julioki.
Añadir nuevo comentario