Enlace permanente Enviado por Nonato Rufino C... (no verificado) el Jue, 01/10/2019 - 07:53
¿Yaqachus runaqa mana uyarispapas uyarinakuchkanchikpuni?
Taytaykuna, mamaykuna llapanpas napaykusqam kankichik. May unay watakunamantaña uyarinitaq, rikunitaq, runa siminchikkunamantapas, runa kawsayninchikkunamantapas kastilla simillapi imatapas willarikunku; paykunaqa ñinkutaqmi kanpas: "Ñuqaqa tayta mamaypa simintam kawsarichisaq, ñuqaqa qhichwa runam kani, ñuqaqa runa simitam rimani, ñuqaqa machulanchikkunap yachaynintam kawsachini" ñisparaqtaqmi rimankupas, qillqankupas. ¿Allinchu chaykuna rikch'akusunki? Mayqan runa simitapas,, mayqan runa kawsaytapas ñawpaqman hurquyta munaspaqa, chay kikin simipi ari willakusunchikpas, kaqtaq chay qhawarisqa yachaykunata rurasunchikpas, kawsachisunchikpas, chaymi allinqa kanqa, chaymi huk runa simi munaypas, huk runap yachaynin kawsarichiypas kanqa, hukkunaqa yanqam.
2015 watapim Punu llaqtapi huk Congreso sutiyuq runa huñukuy karqan, chaypitaqmi qhichwa simipi qhichwapi llamk'asqaykunata willarikurqani. Chaypim runa simikunatapas, runa kawsaykunatapas Pension 65 yuyaq runakuna llamk'ananpuni iñispa, yuyapkunap rurasqantapas rikuchirqanitaqmi, chaykunari ¿yanqachu? Arí wasimantapas., yachay wasimantapas, llaqtamantapas runa simikuna rimayqa allinpuni ari, ichaqa rimanapuni ari, mana wak simikunapichu willakuq tukuna, ¿riki? Ñuqapas, hukkunapas runa simitaqa rimanchikpas, yachanchikpas hatun taytanchikpas, hatun mamanchikpas chay simipi rimapayawasqanchikraykum, ¿riki? chayqa chayta ari ñuqanchikpas rurananchik, icha ¿runa siminchikta chinkachiytapuni munanchik? Napaykuykichik.
¿Yaqachus runaqa mana
¿Yaqachus runaqa mana uyarispapas uyarinakuchkanchikpuni?
Taytaykuna, mamaykuna llapanpas napaykusqam kankichik. May unay watakunamantaña uyarinitaq, rikunitaq, runa siminchikkunamantapas, runa kawsayninchikkunamantapas kastilla simillapi imatapas willarikunku; paykunaqa ñinkutaqmi kanpas: "Ñuqaqa tayta mamaypa simintam kawsarichisaq, ñuqaqa qhichwa runam kani, ñuqaqa runa simitam rimani, ñuqaqa machulanchikkunap yachaynintam kawsachini" ñisparaqtaqmi rimankupas, qillqankupas. ¿Allinchu chaykuna rikch'akusunki? Mayqan runa simitapas,, mayqan runa kawsaytapas ñawpaqman hurquyta munaspaqa, chay kikin simipi ari willakusunchikpas, kaqtaq chay qhawarisqa yachaykunata rurasunchikpas, kawsachisunchikpas, chaymi allinqa kanqa, chaymi huk runa simi munaypas, huk runap yachaynin kawsarichiypas kanqa, hukkunaqa yanqam.
2015 watapim Punu llaqtapi huk Congreso sutiyuq runa huñukuy karqan, chaypitaqmi qhichwa simipi qhichwapi llamk'asqaykunata willarikurqani. Chaypim runa simikunatapas, runa kawsaykunatapas Pension 65 yuyaq runakuna llamk'ananpuni iñispa, yuyapkunap rurasqantapas rikuchirqanitaqmi, chaykunari ¿yanqachu? Arí wasimantapas., yachay wasimantapas, llaqtamantapas runa simikuna rimayqa allinpuni ari, ichaqa rimanapuni ari, mana wak simikunapichu willakuq tukuna, ¿riki? Ñuqapas, hukkunapas runa simitaqa rimanchikpas, yachanchikpas hatun taytanchikpas, hatun mamanchikpas chay simipi rimapayawasqanchikraykum, ¿riki? chayqa chayta ari ñuqanchikpas rurananchik, icha ¿runa siminchikta chinkachiytapuni munanchik? Napaykuykichik.