Taytaykuna, mamaykuna napaykusqam kankichik. Arí, un ulla kachunqa kawsayqa kallanqam; ichaqa uutaqa yupaychaspapunim waqaychakuna. Unuwanqa maypipas kawsallasunchikmi, chayraykutaqmi unu mamanchiktaqa manapuni usuchinapaschu, waqllichinapaschu. Unu mamawanqa runaqa uywanakunmi; chaypachaqa, ñuqanchik runakuna ari ununchikkunataqa munakuywan uywasunchik; kaqllataq paypas ñuqanchiktaqa munakuywan uywawasunchik. Chayhina kaptinqa sinchitaña paraptinpas, sinchitaña ch'akiriptinpas amataq ari Pacha Mamanchiktaqa phiñachisunchikchu. Sinchita paraptinqa qullqakunapi ari chay unutaqa waqauchakusunchik, ch'akiriptintaq chay waqaychasqanchik unutaqa apaykachasunchik, chaytapas yupaychakuspapunitaq. Unu achkapuni hamurquptinqa amataq ari chiqnisunchikchu, aswanpas munakuywan quchachasunchikpas, maypipas waqaychasunchik; chayraykutaqmi mayukunap ñanninpipas, qucha kantukunapipas amataq ari wasitapas, chakratapas, ñankunatapas rurasunchikchu. Unuqa phiñarikuspam kutirimunman, chaymantataq ñuqanchiktapas, wasinchiktapas, chakranchiktapas, uywanchiktapas millp'urqunmanmi, chay qhipamantaq ñuqanchik waqasunchikman, chaykunaqa yanqañam, ¿riki? Wasinchikkunataqa unup mana aypananpi rurakusunchik, kaqtaq chakranchikkunatapas; pampakunapipas, mayu patakunapipas uywata ari michisunchik, akasqanwantaq chakranchikkunata kallpachasunchik. Ch'akiriy pachapaqqa unuta maypipas waqaychakusunchikpuni, chaypaqqa quchakuna ruraymi allin kanman; huk karu llaqtakunapiqa runaqa aqu pampakunapipas paray unuta waqaychakuspapunim kawsanku. Chaymi Bolivia Mama llaqtap ch'aki yunkankunapiqa "atajado" sutiyuq quchakunata rurakunkupuni; chaykunaqa allin qhawasqam, chaykunataqa para unullawanmi hunt'achinku, sinchita paraptinqa tumpata unutaqa kacharipullankjum. Kaqllataqmi Qulla suyu ch'aki pampakunapipas ñawpa runaqa "quchakunata" ruraq kasqaku, chaykunaqa Nicasio llaqta pampakunapi rikukunraq. Unutaqa maypipas waqaychakunanchikpunim, chay unutaqa manataqmi usuchinapaschu. Unutaqa kuti kutim apaykachayta atinchik, chayta ari rurasunchik, kaqtaq wasinchikpipas yurakunataqa uywakunanchikpunim. Yachay wasikunapipas sapanka yachakuq irqim ima yurallatapas uywananpunim, aswanqa mikhunanpaq yura uywaymi chaninqa kanqa. Chaykunata uywaspaqa yachaykunata tarillanqataqmi, ¿icha manachu?
Taytaykuna, mamaykuna
Taytaykuna, mamaykuna napaykusqam kankichik. Arí, un ulla kachunqa kawsayqa kallanqam; ichaqa uutaqa yupaychaspapunim waqaychakuna. Unuwanqa maypipas kawsallasunchikmi, chayraykutaqmi unu mamanchiktaqa manapuni usuchinapaschu, waqllichinapaschu. Unu mamawanqa runaqa uywanakunmi; chaypachaqa, ñuqanchik runakuna ari ununchikkunataqa munakuywan uywasunchik; kaqllataq paypas ñuqanchiktaqa munakuywan uywawasunchik. Chayhina kaptinqa sinchitaña paraptinpas, sinchitaña ch'akiriptinpas amataq ari Pacha Mamanchiktaqa phiñachisunchikchu. Sinchita paraptinqa qullqakunapi ari chay unutaqa waqauchakusunchik, ch'akiriptintaq chay waqaychasqanchik unutaqa apaykachasunchik, chaytapas yupaychakuspapunitaq. Unu achkapuni hamurquptinqa amataq ari chiqnisunchikchu, aswanpas munakuywan quchachasunchikpas, maypipas waqaychasunchik; chayraykutaqmi mayukunap ñanninpipas, qucha kantukunapipas amataq ari wasitapas, chakratapas, ñankunatapas rurasunchikchu. Unuqa phiñarikuspam kutirimunman, chaymantataq ñuqanchiktapas, wasinchiktapas, chakranchiktapas, uywanchiktapas millp'urqunmanmi, chay qhipamantaq ñuqanchik waqasunchikman, chaykunaqa yanqañam, ¿riki? Wasinchikkunataqa unup mana aypananpi rurakusunchik, kaqtaq chakranchikkunatapas; pampakunapipas, mayu patakunapipas uywata ari michisunchik, akasqanwantaq chakranchikkunata kallpachasunchik. Ch'akiriy pachapaqqa unuta maypipas waqaychakusunchikpuni, chaypaqqa quchakuna ruraymi allin kanman; huk karu llaqtakunapiqa runaqa aqu pampakunapipas paray unuta waqaychakuspapunim kawsanku. Chaymi Bolivia Mama llaqtap ch'aki yunkankunapiqa "atajado" sutiyuq quchakunata rurakunkupuni; chaykunaqa allin qhawasqam, chaykunataqa para unullawanmi hunt'achinku, sinchita paraptinqa tumpata unutaqa kacharipullankjum. Kaqllataqmi Qulla suyu ch'aki pampakunapipas ñawpa runaqa "quchakunata" ruraq kasqaku, chaykunaqa Nicasio llaqta pampakunapi rikukunraq. Unutaqa maypipas waqaychakunanchikpunim, chay unutaqa manataqmi usuchinapaschu. Unutaqa kuti kutim apaykachayta atinchik, chayta ari rurasunchik, kaqtaq wasinchikpipas yurakunataqa uywakunanchikpunim. Yachay wasikunapipas sapanka yachakuq irqim ima yurallatapas uywananpunim, aswanqa mikhunanpaq yura uywaymi chaninqa kanqa. Chaykunata uywaspaqa yachaykunata tarillanqataqmi, ¿icha manachu?