Taytaykuna mamaykuna, ¿qurita qullqita mikhuspachu kawsasunchik? ¿Imaraykutaq mikhunari mana llapan runamanchu aypawanchik? Mikhunaqa kachkanmi, ichaqa mana ari llapan runachu chay mikhunakunata rantiyta atinchik. Qhatuq hatun wasikunaqa may maypi chay mikhunakunata waqllichinku, chaykunataq qhipamanqa q'upaman tukuspa Pacha Mamanchikta qhillichan; chaykunataq qhipaman unquykunata apamuwanchik. Chay unquykunatari, ¿pitaq hampiwasunchik? Kay p'unchawkunaqa runaqa manaña chakrapichu llamk'an, kunanqa municipiokunapi llamk'ach-kanku, chayraykutaq chakrakunaqa qunqasqa tarikun. Chay kikin runakuna sapa p'unchaw arusta, fideosta, hak'uta rantispa wayk'ukun, chaytataq sapa p'unchaw mikhun; chayraykutaqmi unquykuna paqarimun. ¿Imataq ruranari kanqa? Yachachinakuy ari mana allinchu kachkan ¿Imaraykutaq yachachiyri mana allinchu? Ñaw-paqqa wawamantapacha chakrapi yanapakuytapas, uywa michiytapas yacharqayku; chayraykutaqmi allinta mikhur-qayku, kaqtaq tayta mamaykuta yanaparqayku, kunanri, ¿ima ruraytataq wawakuna yachay wasikunapi yachamun? Achka runam ima mikhuna ruruchiytapas yachanchikchu; mikhuyllata yachanchik. Chayri ¿imatataq mikhun? Qhatukunamanta rantispa ari imataraqcha kanpas mikhunchik. Chay mikhuykunaqa imamanta rurasqach kanpas. Runaqa kay Perú Mama llaqtapi ñawpaqmantaraq Machu Pikchutapas, Saqsay Wamantapas, Ullantay Tamputapas, P'isaqtapas paqarichiq kasqaku; chayri, ¿imata mikhuspataq llamk'aq kasqaku? Chaytaqa allinta yachanchik. Paykunaqa sarata, papata, kinuwata, qañiwata, tarwita, purututa, uqata, añuta, uqata, unkuchata, rumuta, k'uchuchuta, kukata, ch'arkita mikhuspari Tawantin Suyupi kawsaq kasqaku. Chayqa llapan runa ari kay mikhuykuna ruruchiyta yachananchik; kaqtaq hampi qurakuna apaykachaytapas yachananchik. Qhatuq wasikunamanta rantisqa mikhuykunaqa imamanta rurasqaraqcha kanpas; chaykuna ari unquchiwanchik. Chayqa manam allinchu ñuqanchikpaq. Llapan runapas mikhunanchiktaqa ñuqanchikpuni ruruchinanchik. Chayta wawanchikkunamanpas yachachinanchik. Yachay wasikunapipas mikhuy-kuna ruruchiyta yachachinan, chaymi allin kanman. Icha, ¿qam ima ninkitaqchus?
Taytaykuna mamaykuna, ¿qurita qullqita mikhuspachu kawsasunchik? ¿Imaraykutaq mikhunari mana llapan runamanchu aypawanchik?
Mikhunaqa kachkanmi, ichaqa mana ari llapan runachu chay mikhunakunata rantiyta atinchik. Qhatuq hatun wasikunaqa may maypi chay mikhunakunata waqllichinku, chaykunataq qhipamanqa q'upaman tukuspa Pacha Mamanchikta qhillichan; chaykunataq qhipaman unquykunata apamuwanchik. Chay unquykunatari, ¿pitaq hampiwasunchik?
Kay p'unchawkunaqa runaqa manaña chakrapichu llamk'an, kunanqa municipiokunapi llamk'ach-kanku, chayraykutaq chakrakunaqa qunqasqa tarikun. Chay kikin runakuna sapa p'unchaw arusta, fideosta, hak'uta rantispa wayk'ukun, chaytataq sapa p'unchaw mikhun; chayraykutaqmi unquykuna paqarimun.
¿Imataq ruranari kanqa? Yachachinakuy ari mana allinchu kachkan
¿Imaraykutaq yachachiyri mana allinchu? Ñaw-paqqa wawamantapacha chakrapi yanapakuytapas, uywa michiytapas yacharqayku; chayraykutaqmi allinta mikhur-qayku, kaqtaq tayta mamaykuta yanaparqayku, kunanri, ¿ima ruraytataq wawakuna yachay wasikunapi yachamun? Achka runam ima mikhuna ruruchiytapas yachanchikchu; mikhuyllata yachanchik. Chayri ¿imatataq mikhun? Qhatukunamanta rantispa ari imataraqcha kanpas mikhunchik. Chay mikhuykunaqa imamanta rurasqach kanpas.
Runaqa kay Perú Mama llaqtapi ñawpaqmantaraq Machu Pikchutapas, Saqsay Wamantapas, Ullantay Tamputapas, P'isaqtapas paqarichiq kasqaku; chayri, ¿imata mikhuspataq llamk'aq kasqaku? Chaytaqa allinta yachanchik. Paykunaqa sarata, papata, kinuwata, qañiwata, tarwita, purututa, uqata, añuta, uqata, unkuchata, rumuta, k'uchuchuta, kukata, ch'arkita mikhuspari Tawantin Suyupi kawsaq kasqaku. Chayqa llapan runa ari kay mikhuykuna ruruchiyta yachananchik; kaqtaq hampi qurakuna apaykachaytapas yachananchik. Qhatuq wasikunamanta rantisqa mikhuykunaqa imamanta rurasqaraqcha kanpas; chaykuna ari unquchiwanchik. Chayqa manam allinchu ñuqanchikpaq. Llapan runapas mikhunanchiktaqa ñuqanchikpuni ruruchinanchik. Chayta wawanchikkunamanpas yachachinanchik. Yachay wasikunapipas mikhuy-kuna ruruchiyta yachachinan, chaymi allin kanman.
Icha, ¿qam ima ninkitaqchus?