'Santa' iglesiakunapas, qhapaqkunap wasinku-napas, ¿ima rumiwan pirqasqataq tarikun? Kay Mama llaqtanchikpipas, Europapipas, ¿imawantaq runari qhapaqyarqan? ¿Manachu qurinchikwan, qullqinchikwan? Europapiri, ¿manachu papanchik yarqaymanta papa mamanchik qispichirqan? Huk llaqta runakunapas, ayllunkunapas kaqninchikwanmi qhapaqyayta munanku, kaqtaq paykuna mana chanin kawsayninkuta apamuwanchik, mana chayri, ¿imaraykutaq mana allin mikhusqa tarikunchik? ¿Imaraykutaq runapas sinchita unqunchik? ¿Imaraykutaq chakra allpanchikpas huqllichisqa tarikun? Manku Qhapaqpas, Mama Uqllupas, Wayna Qhapaqpas, Waskarpas, Atawallpapas, ¿imakunata mikhuspataq allin yuyayniyuq, allin kallpayuq karqanku? ¿Imata mikhuspataq Saqsay Wamantapas, Machu Pikchutapas, Ullantay Tamputapas, Tipuntapas paqarichirqanku? ¿Virgenkunata much'aspachu icha Pacha Mamanchikta much'aspachu? Kay allin mikhuchikuq, allin uywakuq Pacha Mamanchik qunqaytari, ¿pitaq yachachiwanchik? ¿Manachu tayta kurakuna? Chayri, ¿piñataq ukhu pacha infiernoman risqatanpas, hanaq pacha cieloman risqantapas willakamunña, ¿kanchu chaykunari? Tayta kurakunap rayminri, ¿imaraykutaq rayminchikkunatapas, iñiyninchikkunatapas, much'akuyninchikkunatapas sarunchakunkuman? Kay América sutiyasqa Abya Yala llaqtapiqa manam santokunata much'aspachu, virgenkunata much'aspachu paqarirqanchik; kaypiqa Pacha Mamanchiktam apukunatawan much'aspa imatapas allinta ruranachik; chaypachaqa kawsayninchikkuna mana t'ikrakunanchu. Inti Raymitapas, Qhapaq Raymitapas, Quya Raymitapas, apunchikkunap raymintapas yuyarinanchikpunim, kawsachinanchikpunim; paykunam uywawanchik, chayrayku ñuqanchikqa paykunata yuyarinanchikpuni. Icha, ¿qam ima ninkitaqchus?
'Santa' iglesiakunapas, qhapaqkunap wasinku-napas, ¿ima rumiwan pirqasqataq tarikun? Kay Mama llaqtanchikpipas, Europapipas, ¿imawantaq runari qhapaqyarqan? ¿Manachu qurinchikwan, qullqinchikwan? Europapiri, ¿manachu papanchik yarqaymanta papa mamanchik qispichirqan? Huk llaqta runakunapas, ayllunkunapas kaqninchikwanmi qhapaqyayta munanku, kaqtaq paykuna mana chanin kawsayninkuta apamuwanchik, mana chayri, ¿imaraykutaq mana allin mikhusqa tarikunchik? ¿Imaraykutaq runapas sinchita unqunchik? ¿Imaraykutaq chakra allpanchikpas huqllichisqa tarikun? Manku Qhapaqpas, Mama Uqllupas, Wayna Qhapaqpas, Waskarpas, Atawallpapas, ¿imakunata mikhuspataq allin yuyayniyuq, allin kallpayuq karqanku? ¿Imata mikhuspataq Saqsay Wamantapas, Machu Pikchutapas, Ullantay Tamputapas, Tipuntapas paqarichirqanku? ¿Virgenkunata much'aspachu icha Pacha Mamanchikta much'aspachu? Kay allin mikhuchikuq, allin uywakuq Pacha Mamanchik qunqaytari, ¿pitaq yachachiwanchik? ¿Manachu tayta kurakuna? Chayri, ¿piñataq ukhu pacha infiernoman risqatanpas, hanaq pacha cieloman risqantapas willakamunña, ¿kanchu chaykunari?
Tayta kurakunap rayminri, ¿imaraykutaq rayminchikkunatapas, iñiyninchikkunatapas, much'akuyninchikkunatapas sarunchakunkuman? Kay América sutiyasqa Abya Yala llaqtapiqa manam santokunata much'aspachu, virgenkunata much'aspachu paqarirqanchik; kaypiqa Pacha Mamanchiktam apukunatawan much'aspa imatapas allinta ruranachik; chaypachaqa kawsayninchikkuna mana t'ikrakunanchu. Inti Raymitapas, Qhapaq Raymitapas, Quya Raymitapas, apunchikkunap raymintapas yuyarinanchikpunim, kawsachinanchikpunim; paykunam uywawanchik, chayrayku ñuqanchikqa paykunata yuyarinanchikpuni.
Icha, ¿qam ima ninkitaqchus?